روح ٍ تحبك دخيلك ليه .. تهملها

متعب القلب قلي ويـش غلطاتـي,,
ان كنت انا اقدر اعدلهـا..بعدلهـا’’

لاصرت تجهل عناا الدنيا ..وضيقاتي,,
من دون مااشرح لك اوضاعي تأملها’’

الوقت ضدي ..حرمني من ملذاتـي,,
والصد بعدك ذبح روحي .. وكـملهـا’’

لا.. لايغرك كثير الصمت..وسكاتي,,
خل المشاعر تقول(الآه) وإسألهـا’’

يسكني الحب..واضح من عباراتـي,,
وش عاد لجلك حروفي لـو أذللها ’’

عذبني الشوق واسرفـت بخيالاتـي,,
(روح ٍ تحبك دخيلك ليه .. تهملها ’’)

ياليتك إشوي تشعـر فـي معاناتـي,,
دنياك يمكن عليك تضيـق باكملهـا’’

الحزن كنه سفيـري فـي علاقاتـي,,
والهم خيّم على حالـي. .وطولهـا ’’

اغديت دربي وتاهت فيـك خطواتـي,,
كل المواعيد مدري ليـش تأجلهـا’’

سنين احاول وضاعت كـل حيلاتـي,,
ماتدري اني( حيـاة الـذّل) مقبلهـا..!!!! ’’

لاجيتك أسال وادوّر فيـك ضحكاتـي,,
كنك(تعمًد) بيديـك اليـوم.. تقتلهـا’’

لاتترك الظـن يلعـب باحتمالاتـي,,
الكلمه اللي تحزّ بخاطـرك..قلهـا ’’

تعال شفني وحـس بحـال لوعاتـي,,
كن الدقايق بدونـك عـام مطولهـا’’

متى التباشر بقدوم ( الغـلا)تاتـي,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي,,
اتعبت نفسي(اعزيهـا . . وعللها) ’’

ابيك تنسى وتمسـح كـل (زلاتـي) ,,
بعض البشر صعب ما نقـدر نزعلهـا’’

والحين جيتك ابمسح كـل غلطاتـي,,
دنياي دونـك وربـي ماتحملهـا’’

لا.. لايغرك كثير الصمت..وسكاتي,,
خل المشاعر تقول(الآه) وإسألهـا’’

ياليتك إشوي تشعـر فـي معاناتـي,,
دنياك يمكن عليك تضيـق باكملهـا’’

*************************************************
[img]

[/img]

مشكور علي الطرح

*************************************************

فــــــــــارس

طرح وانتقااء راائع كروعتك
لك من بساتين الود ورده

تحياااتي

متعب القلب قلي ويـش غلطاتـي,,
ان كنت انا اقدر اعدلهـا..بعدلهـا’’

ننتظــر جديدك وآآبدآع آنـمـلك

اشكركم جميعا
على مروركم الجميل
تحياتي لكم

أبيــآت في غ ـــــــآية الرووووووووعه

دمت مبدع..اخووي

يسلمووووووو
كلك ذوووووق
واسعدني مرورك

يسلمووووو على بوح قلمك المبدع

الله يسلمك يالغاليه
كلك ذوووق
تحياتي لك

[size=18]رسالة مودّه من قلبي إلى كل أخواتنا في منتدى [جــيمي) .. أتمنى أن أكون أوصلت فيها المقصدود
وأن تجد منكم القبول والرضا

[center]يابنات المنتـدى ياريحـة اليشمـوم الريحـان
يارموز الطُهْـر ياأغلـى الجواهـر والـدرر
الحياء والطيب والعفـه وهـي روح المكـان
والترفع والأدب بالقـول فـي سـر وجهـر
من حدود الأطلسيّ الى الشواطي في عمـان
كل ابوكـن عالياتـن فـي المكانـه والقَـدِر
مايزين البنت الا ماشرعـه الواحـد الديّـان
الحجاب اللي يداريكـنّ عـن فُْحْـش النظـر
واحترام الذات عن هرجة فلان وعـن فـلان
ولا تصير البنت منكن لعبتـن بأيـدي البشـر
ولا تصير البنت منكن لعبة الكوره بهاالميـدان
ذا يشـوت وذا يثبّـت وذا يمـرر بالـغـدر
ياحلاة البنت فيكن لاغدت في طاعة الرحمـن
مثل نور الشمس لامنّـه طلـع بعـد الفجـر
الحلا والزين والروعه تزيد بروعـة الإيمـان
وخشية الله هي عمار القلب في وسط الصدر
وما أخس الواحده لامنْها صارت مع الشيطان
يمتطيهـا بالخطـام يقودهـا صبـح وعصـر
يابنات المنتدى خذن النصيحه من فم الفهمـان
الحذر ثـم الحـذر ثـم الحـذر ثـم الحـذر
والله ان الصادق اللي من يبيكن يطرق البيبـان
أجودي والأجودي مايعرف ادروب الضـرر
ومن خسر نفسه قسم بالله أنه غاية الخُسْـرَان
والشرف مايقبل القسمـه ولا يقـوى الكسـر
مايفيد الصوت بعد الفوت لامنّه غدركن الزمان
قول شاعر شاب من كثر العجايـب والعِبَـرْ
شاعرن ياما طرق في شعره البيات والقيفـان
يدعـي الله مـن فـؤاده مايجيكـنّ القـهـر

[/center[/size]]

يعطيك العافيه اخوي الوسام
وتسلم على الاهداء الرائع
دمت بود